ชั้นประโยค ป.ธ.๓

	๕. สมฺมชฺชนตฺเถรวตฺถุ. (๑๔๑)

	"โย จ ปุพฺเพ ปมชฺชิตฺวาติ อิมํ ธมฺมเทสนํ สตฺถา
เชตวเน วิหรนฺโต สมฺมชฺชนตฺเถรํ อารพฺภ กเถสิ.

	โส กิร "ปาโต วา สายํ วา ติ เวลํ ๑ ปมาณํ อกตฺวา
อภิกฺขณํ สมฺมชฺชนฺโต วิจรติ. โส เอกทิวสํ สมฺมชฺชนึ คเหตฺวา ทิวาฏฺาเน นิสินฺนสฺส เรวตตฺเถรสฺส สนฺติกํ คนฺตฺวา "อยํ มหากุสีโต, ชนสฺส สทฺธาเทยฺยํ ภุญฺชิตฺวา อาคนฺตฺวา นิสีทติ; กินฺ นาเม ตสฺส สมฺมชฺชนึ คเหตฺวา เอกํ านํ สมฺมชฺชิตุ น วฏฺฏตี ติ อาห. เถโร "โอวาทม สฺส ทสฺสามี ติ จินฺเตตฺวา "เอห าวุโส ติ อาห. "กึ ภนฺเต ติ. "คจฺฉ, นหาตฺวา เอหี ติ. โส ตถา อกาสิ. อถ นํ เถโร เอกมนฺตํ นิสีทาเปตฺวา โอวทนฺโต อาห "อาวุโส ภิกฺขุนา นาม น สพฺพกาลํ สมฺมชฺชนฺเตน วิจริตุ วฏฺฏติ, ปาโตเอว ปน สมฺมชฺชิตฺวา ปิณฺฑาย จริตฺวา ปิณฺฑปาตปฺปฏิกฺกนฺเตน อาคนฺตฺวา รตฺติฏฺาเน วา ทิวาฏฺาเน วา นิสินฺเนน ทฺวตฺตึสาการํ สชฺฌายิตฺวา อตฺตภาเว ขยวยํ ปฏฺเปตฺวา สายณฺเห อุฏฺาย สมฺมชฺชิตุ วฏฺฏติ, นิจฺจกาลํ อสมฺมชฺชิตฺวา อตฺตโนปิ นาม โอกาโส กาตพฺโพ ติ. โส เถรสฺส โอวาเท ตฺวา น จิรสฺเสว อรหตฺตํ ปาปุณิ. ตํ ตํ านํ อุกฺกลาปํ อโหสิ. อถ นํ ภิกฺขู อาหํสุ "อาวุโส สมฺมชฺชนตฺเถร ตํ ตํ านํ อุกฺกลาปํ กสฺมา น สมฺมชฺชสี ติ. "ภนฺเต มยา ปมาทกาเล เอวํ กตํ, อิทานิ มฺหิ อปฺปมตฺโต ติ. ภิกฺขู "อยํ เถโร อญฺํ พฺยากโรตี ติ สตฺถุ อาโรเจสุ. สตฺถา "อาม ภิกฺขเว, มม ปุตฺโต ปุพฺเพ ปมาทกาเล สมฺมชฺชนฺโต วิจริ, อิทานิ ปน มคฺคผลสุเขน วีตินาเมนฺโต น สมฺมชฺชตี ติ วตฺวา อิมํ คาถม าห
	"โย จ ปุพฺเพ ปมชฺชิตฺวา ปจฺฉา โส นปฺปมชฺชติ, โส มํ โลกํ ปภาเสติ อพฺภา มุตฺโต ว จนฺทิมา ติ.
	ตสฺสตฺโถ "โย ปุคฺคโล ปุพฺเพ วตฺตปฺปฏิวตฺตกรเณน วา
สชฺฌายาทีหิ วา ปมชฺชิตฺวา ปจฺฉา มคฺคผลสุเขน วีตินาเมนฺโต นปฺปมชฺชติ, โส อพฺภาทีหิ มุตฺโต จนฺโท วิย โอกาสโลกํ มคฺคญฺาเณน อิมํ ขนฺธาทิโลกํ โอภาเสติ เอกาโลกํ กโรตี ติ.

	เทสนาวสาเน พหู โสตาปตฺติผลาทีนิ ปาปุณึสู ติ.
สมฺมชฺชนตฺเถรวตฺถุ.
************
๑. สี. ยุ. เวลาย.