ชั้นประโยค ป.ธ.๓

	๑๐. อตฺตทตฺถตฺเถรวตฺถุ. (๑๓๖)

	"อตฺตทตฺถํ ปรตฺเถนาติ อิมํ ธมฺมเทสนํ สตฺถา เชตวเน
วิหรนฺโต อตฺตทตฺถตฺเถรํ อารพฺภ กเถสิ.

สตฺถารา หิ ปรินิพฺพานกาเล "ภิกฺขเว อหํ จาตุมฺ- มาสจฺจเยน ปรินิพฺพายิสฺสามี ติ วุตฺเต, อุปฺปนฺนสํเวคา สตฺตสตา ปุถุชฺชนา ภิกฺขู สตฺถุ สนฺติกํ อวิชหิตฺวาว "กินฺนุ โข อาวุโส กริสฺสาม าติ มนฺตยมานา วิจรนฺติ. อตฺตทตฺถตฺเถโร ปน จินฺเตสิ "สตฺถา กิร จาตุมฺมาสจฺจเยน ปรินิพฺพายิสฺสติ, อหญฺ จ มฺหิ อวีตราโค, สตฺถริ ธรมาเนเยว อรหตฺตตฺถาย วายมิสฺสามี ติ. โส ภิกฺขูนํ สนฺติกํ น คจฺฉติ. อถ นํ ภิกฺขู "กสฺมา อาวุโส ตฺวํ เนว อมฺหากํ สนฺติกํ อาคจฺฉสิ, น กิญฺจิ มนฺเตสี ติ วตฺวา สตฺถุ สนฺติกํ เนตฺวา "อยํ ภนฺเต เอวนฺ นาม กโรตี ติ อาโรจยึสุ. โส สตฺถาราปิ "กสฺมา เอวํ กโรสี ติ วุตฺโต ๑ "ตุมฺเห กิร ภนฺเต จาตุมฺมาสจฺจเยน ปรินิพฺพายิสฺสถ, อหํ ตุมฺเหสุ ธรนฺเตสุเยว อรหตฺตปฺปตฺติยา วายมามี ติ. สตฺถา ตสฺส สาธุการํ ทตฺวา "ภิกฺขเว ยสฺส มยิ สิเนโห อตฺถิ, เตน อตฺตทตฺถตฺเถเรน ๒ วิย ภวิตุ วฏฺฏติ; น หิ คนฺธาทีหิ ปูเชนฺตา มํ ปูเชนฺติ, ธมฺมานุธมฺมปฺปฏิปตฺติยา ปน มํ ปูเชนฺติ; ตสฺมา อญฺเนปิ อตฺตทตฺถสทิเสน ภวิตพฺพนฺ ติ วตฺวา อิมํ คาถม าห
	"อตฺตทตฺถํ ปรตฺเถน พหุนาปิ น หาปเย, อตฺตทตฺถม ภิญฺาย สทตฺถปฺปสุโต สิยา ติ.
	ตสฺสตฺโถ "คิหิภูโต ตาว กากณิกมตฺตํปิ อตฺตโน อตฺถํ
สหสฺสมตฺเตนาปิ ปรสฺส อตฺเถน น หาปเย. กากณิกมตฺโตปิ หิ สฺส อตฺตทตฺโถว ขาทนียํ วา โภชนียํ วา นิปฺผาเทติ, น ปรตฺโถ. อิทํ ปน เอวํ อกเถตฺวา กมฺมฏฺานสีเสน กถิตํ. ตสฺมา "อตฺตทตฺถํ น หาเปมี ติ ภิกฺขุนา สงฺฆสฺส อุปฺปนฺนํ เจติยปฺปฏิสงฺขรณาทิกิจฺจํ วา อุปชฺฌายาทิวตฺตํ วา น หาเปตพฺพํ, อภิสมาจาริกวตฺตํ หิ ปูเรนฺโตเยว อริยผลาทีนิ สจฺฉิกโรติ. ตสฺมา อยํปิ อตฺตทตฺโถว. โย ปน อจฺจารทฺธวิปสฺสโก `อชฺช อชฺเชว าติ ปฏิเวธํ ปตฺถยมาโน วิจรติ, เตน อุปชฺฌายาทิวตฺตานิปิ หาเปตฺวา ๓ อตฺตโน กิจฺจเมว กาตพฺพํ. เอวรูปํ หิ อตฺตทตฺถมภิญฺาย `อยํ เม อตฺตโน อตฺโถ ติ สลฺลกฺเขตฺวา [สทตฺถปฺปสุโต สิยาติ:] ตสฺมึ สเก อตฺเถ อุยฺยุตฺตปฺปยุตฺโต ภเวยฺย าติ.

	เทสนาวสาเน โส เถโร อรหตฺเต ปติฏฺหิ. สมฺปตฺตภิกฺขูนํปิ
สาตฺถิกา เทสนา อโหสี ติ.
อตฺตทตฺถตฺเถรวตฺถุ. อตฺตวคฺควณฺณนา นิฏฺิตา. ทฺวาทสโม วคฺโค.
************
๑. สี. ม. ยุ. วุตฺเต. ๒. "อตฺตทตฺเถนาติ ยุตฺตตรํ. ๓. ยุ. ภาเวตฺวา.