ชั้นประโยค ป.ธ.๓

	๗. จิตฺตคหปติวตฺถุ. (๒๑๙)

	"สทฺโธ สีเลน สมฺปนฺโนติ อิมํ ธมฺมเทสนํ สตฺถา เชตวเน
วิหรนฺโต จิตฺตคหปตึ อารพฺภ กเถสิ.

	วตฺถุ พาลวคฺเค "อสนฺตํ ภาวมิจฺเฉยฺยาติ คาถาวณฺณนายํ
วิตฺถาริตํ. คาถาปิ ตตฺเถวาคตา. วุตฺตํ หิ ตตฺถ "กึ ปน ภนฺเต เอตสฺส ตุมฺหากํ สนฺติกํ อาคจฺฉนฺตสฺเสว ายํ สกฺกาโร อุปฺปชฺชติ อุทาหุ อญฺตฺถ คจฺฉนฺตสฺสาปิ อุปฺปชฺเชยฺย าติ.๑ "อานนฺท มม สนฺติกํ อาคจฺฉนฺตสฺสาปิ อญฺตฺถ คจฺฉนฺตสฺสาปิ ตสฺส อุปฺปชฺชติเยว, อยํ หิ อุปาสโก สทฺโธ ปสนฺโน สมฺปนฺนสีโล, เอวรูโป ยํ ยํ ปเทสํ ๒ ภชติ; ตตฺถ ตตฺเถว สฺส ลาภสกฺกาโร นิพฺพตฺตตี ติ วตฺวา อิมํ คาถม าห
	"สทฺโธ สีเลน สมฺปนฺโน ยโสโภคสมปฺปิโต ยํ ยํ ปเทสํ ภชติ; ตตฺถ ตตฺเถว ปูชิโต ติ.
	ตตฺถ "สทฺโธติ: โลกิยโลกุตฺตราย สทฺธาย สมนฺนาคโต.
สีเลนาติ: "อาคาริยสีลํ อนาคาริยสีลนฺ ติ ๓ ทุวิธํ สีลํ, เตสุ อิธ อาคาริยสีลํ ๔ อธิปฺเปตํ, เตน สมนฺนาคโต ติ อตฺโถ. ยโสโภค- สมปฺปิโตติ: ยาทิโส อนาถปิณฺฑิกาทีนํ ปญฺจอุปาสกสตปริวาร- สงฺขาโต อาคาริยยโส ตาทิเสเนว ยเสน ธนธญฺาทิโก เจว สตฺตวิธอริยธนสงฺขาโต จ ทุวิโธ โภโค เตน จ สมนฺนาคโต ติ อตฺโถ. ยํ ยนฺติ: ปุรตฺถิมาทีสุ ทิสาสุ เอวรูโป กุลปุตฺโต ยํ ยํ ปเทสํ ภชติ; ตตฺถ ตตฺถ เอวรูเปน ลาภสกฺกาเรน ปูชิโต ว โหตี ติ.

	เทสนาวสาเน พหู โสตาปตฺติผลาทีนิ ปาปุณึสู ติ.
จิตฺตคหปติวตฺถุ.
************
๑. ยุ. อุปฺปชฺเชถาติ. ๒. ยุ. ทิสํ. ๓. ยุ. อคาริยสีลํ อนาคาริยสีลนฺติ. ๔. อนุตฺตานตฺตทีปนายํ อนาคาริยสีลนฺติ ทิสฺสติ.