ชั้นประโยค ป.ธ.๓

	๑๐. ปฏาจาราวตฺถุ. (๒๑๒)

	"น สนฺติ ปุตฺตาติ อิมํ ธมฺมเทสนํ สตฺถา เชตวเน วิหรนฺโต
ปฏาจารํ อารพฺภ กเถสิ.

	วตฺถุ สหสฺสวคฺเค
	"โย จ วสฺสสตํ ชีเว อปสฺสํ อุทยพฺพยํ, เอกาหํ ชีวิตํ เสยฺโย ปสฺสโต อุทยพฺพยนฺ ติ
คาถาวณฺณนาย วิตฺถาเรตฺวา กถิตํ. ตทา หิ สตฺถา ปฏาจารํ ตนุภูตโสกํ ตฺวา "ปฏาจาเร ปุตฺตาทโย นาม ปรโลกํ คจฺฉนฺตสฺส ตาณํ วา เลนํ ๑ วา ภวิตุ น สกฺโกนฺติ; ตสฺมา วิชฺชมานาปิ เต น สนฺติเยว; ปณฺฑิเตน ปน สีลํ วิโสเธตฺวา อตฺตโน นิพฺพานคามิมคฺคเมว โสเธตุ วฏฺฏตี ติ วตฺวา ธมฺมํ เทเสนฺโต อิมา คาถา อภาสิ
	"น สนฺติ ปุตฺตา ตาณาย, น ปิตา, นปิ พนฺธวา, อนฺตเกน าธิปนฺนสฺส นตฺถิ าตีสุ ตาณตา' เอตม ตฺถวสํ ตฺวา ปณฺฑิโต สีลสํวุโต นิพฺพานคมนํ มคฺคํ ขิปฺปเมว วิโสธเย ติ.
	ตตฺถ "ตาณายาติ: ตาณภาวาย ปติฏฺานตฺถาย. พนฺธวาติ:
ปุตฺเต จ มาตาปิตโร จ เปตฺวา อวเสสา าติสุหชฺชา. อนฺตเกนาธิปนฺนสฺสาติ: มรเณน อภิภูตสฺส. ปวตฺติยํ หิ ปุตฺตาทโย อนฺนปานาทิทาเนน เจว อุปฺปนฺนกิจฺจนิตฺถรเณน จ ตาณํ หุตฺวาปิ มรณกาเล เกนจิ อุปาเยน มรณํ ปฏิพาหิตุ อสมตฺถตาย ตาณตฺถาย เลนตฺถาย น สนฺติ นาม; เตเนว วุตฺตํ "นตฺถิ าตีสุ ตาณตาติ. เอตมตฺถวสนฺติ: เอตํ เตสํ อญฺมญฺสฺส ตาณํ ภวิตุ อสมตฺถ- ภาวสงฺขาตํ การณํ ชานิตฺวา ปณฺฑิโต จตุปาริสุทฺธิสีเลน สํวุโต รกฺขิโต โคปิโต หุตฺวา นิพฺพานคมนํ อฏฺงฺคิกํ มคฺคํ สีฆํ สีฆํ วิโสเธยฺย าติ อตฺโถ.

	เทสนาวสาเน ปฏาจารา โสตาปตฺติผเล ปติฏฺหิ, อญฺเปิ
พหู โสตาปตฺติผลาทีนิ ปาปุณึสู ติ.
ปฏาจาราวตฺถุ. มคฺควคฺควณฺณนา นิฏฺิตา. วีสติโม วคฺโค.
************
๑. สี. เลนํ วา สรณํ. ยุ. สรณํ วา เลนํ วา.