ชั้นประโยค ป.ธ.๓

	๒. ฉพฺพคฺคิยภิกฺขุวตฺถุ. (๑๐๘)

	"สพฺเพ ตสนฺตีติ อิมํ ธมฺมเทสนํ สตฺถา เชตวเน วิหรนฺโต
ฉพฺพคฺคิเย ภิกฺขู อารพฺภ กเถสิ.

เอกสฺมึ หิ สมเย เตเนว ๑ การเณน ปุริมสิกฺขาปเท สตฺตรส- วคฺคิเย ปหรึสุ. เตเนว การเณน เตสํ ตลสตฺติกํ อุคฺคิรึสุ. อิธาปิ สตฺถา เตสํ สทฺทํ สุตฺวา "กึ อิทนฺ ติ ปุจฺฉิตฺวา, "อิทนฺนาม าติ อาโรจิเต, "น ภิกฺขเว อิโต ปฏฺาย ภิกฺขุนา นาม เอวํ กตฺตพฺพํ, โย กโรติ, อิทนฺนาม อาปชฺชตี ติ ตลสตฺติกสิกฺขาปทํ ปญฺาเปตฺวา "ภิกฺขเว ภิกฺขุนา นาม `ยถา อหํ; ตเถว อญฺเปิ ทณฺฑสฺส ตสนฺติ; ยถา จ มยฺหํ; ตเถว เนสํ ชีวิตํ ปิยนฺ ติ ตฺวา ปโร น ปหริตพฺโพ น ฆาเตตพฺโพ ติ วตฺวา อนุสนฺธึ ฆเฏตฺวา ธมฺมํ เทเสนฺโต อิมํ คาถม าห

	"สพฺเพ ตสนฺติ ทณฺฑสฺส, สพฺเพสํ ชีวิตํ ปิยํ, อตฺตานํ อุปมํ กตฺวา น หเนยฺย น ฆาตเย ติ.

	ตตฺถ สพฺเพสํ ชีวิตํ ปิยนฺติ: ขีณาสวํ เปตฺวา เสสสตฺตานํ
ชีวิตํ ปิยตรํ, ขีณาสโว ปน ชีวิเต วา มรเณ วา อุเปกฺขโกว โหติ, เสสํ ปุริมทิสเมว าติ.

	เทสนาวสาเน พหู โสตาปตฺติผลาทีนิ ปาปุณึสู ติ.
ฉพฺพคฺคิยภิกฺขุวตฺถุ.
************
๑. สี. เยเนว.