ชั้นประโยค ป.ธ.๓

	๔๐. นิคม

	เอตฺตาวตา "สพฺพปเม ยมกวคฺเค จุทฺทส วตฺถูนิ,อปฺปมาทวคฺเค
นว, จิตฺตวคฺเค นว, ปุปฺผวคฺเค ทฺวาทส,๑ พาลวคฺเค ปณฺณรส,๒ ปณฺฑิตวคฺเค เอกาทส, อรหนฺตวคฺเค ทส, สหสฺสวคฺเค จุทฺทส, ปาปวคฺเค ทฺวาทส, ทณฺฑวคฺเค เอกาทส, ชราวคฺเค นว, อตฺตวคฺเค ทส, โลกวคฺเค เอกาทส, พุทฺธวคฺเค นว, สุขวคฺเค อฏฺ, ปิยวคฺเค นว, โกธวคฺเค อฏฺ, มลวคฺเค ทฺวาทส, ธมฺมฏฺวคฺเค ทส, มคฺควคฺเค ทส, ปกิณฺณกวคฺเค นว, นิรยวคฺเค นว, นาควคฺเค อฏฺ, ตณฺหาวคฺเค ทฺวาทส, ภิกฺขุวคฺเค ทฺวาทส, พฺราหฺมณวคฺเค เอกูนจตฺตาลีส าติ เอเกนูนานิ ตีณิ วตฺถุสตานิ ๓ ปกาเสตฺวา นาติสงฺเขปนาติวิตฺถารวเสน อุปรจิตา ทฺวาสตฺตติภาณวารปฺปมาณา ธมฺมปทสฺส อฏฺกถา นิฏฺิตา ๔.
		ปตฺตํ ธมฺมปทํ เยน	ธมฺมราเชน นุตฺตรํ,
		คาถา ธมฺมปเท เตน	ภาสิตา ยา มเหสินา
		สเตวีสา จตุสฺสตา	จตุสฺสจฺจวิภาวินา
		สตตฺตยมฺหิ วตฺถูนํ	เอเกนูเน สมุฏฺิตา,
		วิหาเร อธิราเชน	การิตมฺหิ กตญฺญุนา
		ปาสาเท สิริกูฏสฺส	รญฺโ วิหรตา มยา
		อตฺถพฺยญฺชนสมฺปนฺนํ	อตฺถาย จ หิตาย จ
		โลกสฺส โลกนาถสฺส	สทฺธมฺมฏฺิติกามตา
		ตาสํ อฏฺกถํ เอตํ	กโรนฺเตน สุนิมฺมลํ
		ทฺวาสตฺตติปฺปมาณาย	ภาณวาเรหิ ปาลิยา
		ยํ ปตฺตํ กุสลํ, เตน	กุสลา สพฺพปาณินํ
		สพฺเพ อิชฺฌนฺตุ สงฺกปฺปา	ผลนฺตา มธุรํ ผลนฺ ติ.

ิ ปรมวิสุทฺธสทฺธาพุทฺธิวิริยปฏิมณฺฑิเตน สีลาจารชฺชวมทฺทวาทิ- คุณสมุทยสมุทิเตน สกสมยสมยนฺตรคหนชฺโฌคาหนสมตฺเถน ปญฺาเวยฺยตฺติสมนฺนาคเตน เตปิฏกปริยตฺติปฺปเภเท สาฏฺกเถ สตฺถุสาสเน อปฺปฏิหตญฺาณปฺปเวทิเตน ๕ มหาเวยฺยากรเณน กรณสมฺปตฺติชนิตสุขวินิคฺคตมธุโรทารวจนลาวณฺณยุตฺเตน ยุตฺต- มุตฺตวาทินา วาทิวเรน มหากวินา ฉฬภิญฺาปฏิสมฺภิทาทิปฺปเภท- คุณปฺปฏิมณฺฑิเต อุตฺตริมนุสฺสธมฺเม อปฺปฏิหตพุทฺธีนํ เถรวํสปฺปทีปานํ เถรานํ มหาวิหารวาสีนํ วํสาลงฺการภูเตน วิปุลวิสุทฺธพุทฺธินา พุทฺธโฆโส ติ ครูหิ คหิตนามเธยฺเยน เถเรน กตา ยํ ธมฺมปทสฺส อตฺถวณฺณนา.
*************************
๑. สี. ยุ. เอกาทส. ๒. สี. ยุ. จุทฺทส. เตสุ โปตฺถเกสุ ปน วตฺถูนิ กเมน ทฺวาทเสว เจว ปณฺณรเสว จ โหนฺติ. ๓. อิมานิ สกลียมานานิ เอกาธิกานิ ตีณิ สตานิ โหนฺติ. ๔. พุทฺธวคฺเค นวาติ ปกฺขิปิตฺวา กเต, อิมานิ สกลียมานานิ ทฺวาธิกานิ ตีณิ วตถุสตฺานิ โหนฺติ. ๕. สี. ม. ยุ. อปฺปฏิหตญฺาณปฺปภาเวน.