โอโนทโร  โย  สหเต  ชิฆจฺนํ
ทานฺโต  ตปสฺสี  มิตปานโภชโน
อาหารเหตุ  น  กโรติ  ปาปํ
ตํ  เว  นรํ  สมณมาหุ  โลเก.

โจโร  ยถา  สนฺธฺมุเข  คหีโต
สกมฺมุนา  หญฺติ  ปาปธมฺโม
เอวํ  ปชา  เปจฺจ  ปรมฺหิ  โลเก
สกมฺมุนา  หญฺติ  ปาปธมฺโม.

เตชวาปิ  หิ  นโร  วิจกฺขโณ
สกฺกโต  พหุชนสฺส  ปูชิโต
นารีนํ  วสงฺคโต  น  ภาสติ
ราหุนา  อุปหโตว  จนฺทิมา.

น  ปณฺฑิตา  อตฺตสุขสฺส  เหตุ
ปาปานิ  กมฺมานิ  สมาจรนฺติ
ทุกฺเขน  ผุฏา  ขลิตาปิ  สนฺตา
ฉนฺทา  จ  โทสา  น  ชหนฺติ  ธมฺมํ.

นินฺทาย  นปฺปเวเธยฺย
น  อุณฺณเมยฺย  ปสํสิโต  ภิกฺขุ
โลกํ  สห  มจฺฉริเยน
โกธํ  เปสุณิยญฺจ  ปนุเทยฺย.

ปหาย  ปญฺจาวรณานิ  เจตโส
อุปกฺกิเลเส   พฺยปนุชฺช  สพฺเพ
อนิสฺสิโต  เฉตฺวา  สิเนหโทสํ
เอโก  จเร  ขคฺควิสาณกปฺโป.

โย  เว  กตญฺญู   กตเวทิ  ธีโร     
กลฺยาณมิตฺโต  ทฬฺหภตฺติ  จ  โหติ
ทุกฺขิตสฺส   สกฺกจฺจ   กโรติ  กิจฺจํ
ตถาวิธํ  สปฺปุริสํ  วทนฺติ.

โย  โหติ  พฺยตฺโต   จ  วิสารโท  จ
พหุสฺสุโต  ธมฺมธโร  จ  โหติ
ธมฺมสฺส  โหติ  อนุธมฺมจารี
ส   ตาทิโส  วุจฺจติ  สงฺฆโสภโณ.

ราคญฺจ  โทสญฺจ  ปหา  โมหํ    
สนฺทาลยิตฺวาน   สํโยชนานิ
อสนฺตสํ  ชีวิตสงฺขยมฺหิ
เอโก  จเร   ขคฺควิสาณกปฺโป.

สพฺพา  ทิสา  อนุปริคมฺม   เจตสา   
เนวชฺฌคา  ปิยตรมตฺตนา  กฺวจิ
เอวํ  ปิโย  ปุถุ  อตฺตา  ปเรสํ
ตสฺมา  น  หึเส  ปรํ  อตฺตกาโม.

สุปิเนน  ยถาปิ  สงฺคตํ
ปฏิพุทฺโธ  ปุริโส  น  ปสฺสติ
เอวมฺปิ  ปิยายิตํ  ชนํ
เปตํ  กาลกตํ  น  ปสฺสติ.