บทสวดท้ายทำวัตรเย็น

บทแผ่พรหมวิหารธรรม
อะเวโร อัพยาปัชโฌ อะนีโฆ สุขี อัตตานัง ปะริหะรามิ, สัพเพ สัตตา อะเวรา โหนตุ, อัพยาปัชฌา โหนตุ, อะนีฆา โหนตุ, สุขี อัตตานัง ปะริหะรันตุ, สัพเพ สัตตา สัพพะทุกขา ปะมุจจันตุ, สัพเพ สัตตา ลัทธะสัมปัตติโต มา วิคัจฉันตุ, สัพเพ สัตตา กัมมัสสะกา กัมมะทายาทา กัมมะโยนี กัมมะพันธู กัมมะปะฏิสะระณา ยัง กัมมัง กะริสสันติ กัลยาณัง วา ปาปะกัง วา ตัสสะ ทายาทา ภะวิสสันตีติ ฯ

อตีตปัจจเวกขณปาฐะ
อัชชะ มะยา อะปัจจะเวกขิตวา ยัง จีวะรัง ปะริภุตตัง, ตัง ยาวะเทวะ สีตัสสะ ปะฏิฆาตายะ, อุณหัสสะ ปะฏิฆาตายะ, ฑังสะมะกะสะวาตาตะปะสิริง- สะปะสัมผัสสานัง ปะฏิฆาตายะ, ยาวะเทวะ หิริโกปินะปะฏิจฉาทะนัตถัง ฯ
อัชชะ มะยา อะปัจจะเวกขิตวา โย ปิณฑะปาโต ปะริภุตโต, โส เนวะ ทวายะ นะ มะทายะ นะ มัณฑะนายะ นะ วิภูสะนายะ, ยาวะเทวะ อิมัสสะ กายัสสะ ฐิติยา ยาปะนายะ, วิหิงสุปะระติยา พรัหมะจะริยานุคคะหายะ, อิติ ปุราณัญจะ เวทะนัง ปะฏิหังขามิ นะวัญจะ เวทะนัง นะ อุปปาเทสสามิ, ยาตรา จะ เม ภะวิสสะต อะนะวัชชะตา จะ ผาสุวิหาโร จาติ ฯ
อัชชะ มะยา อะปัจจะเวกขิตวา ยัง เสนาสะนัง ปะริภุตตัง, ตัง ยาวะเทวะ สีตัสสะ ปะฏิฆาตายะ, อุณหัสสะ ปะฏิฆาตายะ, ฑังสะมะกะสะวาตาตะปะสิริง- สะปะสัมผัสสานัง ปะฏิฆาตายะ, ยาวะเทวะ อุตุปะริสสะยะวิโนทะนัง ปะฏิสัลลานารามัตถัง ฯ
อัชชะ มะยา อะปัจจะเวกขิตวา โย คิลานะปัจจะยะเภสัชชะปะริกขาโร ปะริภุตโต, โส ยาวะเทวะ อุปปันนานัง เวยยาพาธิกานัง เวทะนานัง ปะฏิฆาตายะ, อัพยาปัชฌะปะระมะตายาติ ฯ

เทวธรรมคาถา
		หิริโอตตัปปะสัมปันนา สันโต สัปปุริสา โลเก		สุกกะธัมมะสะมาหิตา เทวะธัมมาติ วุจจะเร ฯ

โอวาทปาฏิโมกขาทิปาฐะ
	อุททิฏฐัง โข เตนะ ภะคะวะตา ชานะตา ปัสสะตา อะระหะตา สัมมาสัมพุทเธนะ โอวาทะปาฏิโมกขัง ตีหิ คาถาหิ
			ขันตี ปะระมัง ตะโป ตีติกขา นิพพานัง ปะระมัง วะทันติ พุทธา นะ หิ ปัพพะชิโต ปะรูปะฆาตี สะมะโณ โหติ ปะรัง วิเหฐะยันโต
		สัพพะปาปัสสะ อะกะระณัง สะจิตตะปะริโยทะปะนัง อะนูปะวาโท อะนูปะฆาโต มัตตัญญุตา จะ ภัตตัสมิง อะธิจิตเต จะ อาโยโค		กุสะลัสสูปะสัมปะทา เอตัง พุทธานะสาสะนัง ปาฏิโมกเข จะ สังวะโร ปันตัญจะ สะยะนาสะนัง เอตัง พุทธานะสาสะนันติ ฯ

วันทาใหญ่
			วันทามิ พุทธัง ภะวะปาระติณณัง ตีโลกะเกตุง ติภะเวกะนาถัง โย โลกะเสฏโฐ สะกะลัง กิเลสัง เฉตวานะ โพเธสิ ชะนัง อะนันตัง ยัง นัมมะทายะ นะทิยา ปุลิเน จะ ตีเร ยัง สัจจะพันธะคิริเก สุมะนาจะลัคเค ยัง ตัตถะ โยนะกะปุเร มุนิโน จะ ปาทัง ตัง ปาทะลัญชะนะมะหัง สิระสา นะมามิ สุวัณณะมาลิเก สุวัณณะปัพพะเต สุมะนะกูเฏ โยนะกะปุเร นัมมะทายะ นะทิยา ปัญจะปาทะวะรัง ฐานัง อะหัง วันทามิ ทูระโต อิจเจวะมัจจันตะนะมัสสะเนยยัง นะมัสสะมาโน ระตะนัตตะยัง ยัง ปุญญาภิสันทัง วิปุลัง อะลัตถัง ตัสสานุภาเวนะ หะตันตะราโย ฯ
	อามันตะยามิ โว ภิกขะเว ปะฏิเวทะยามิ โว ภิกขะเว ขะยะวะยะธัมมา สังขารา อัปปะมาเทนะ สัมปาเทถาติ ฯ

คาถาสดุดีเฉลิมพระเกียรติ สมเด็จพระมหาสมณเจ้า กรมพระปรมานุชิตชิโรรส
		มะหาสะมะณะราชา โย ธีโร เชตุวะนารามะ- วาสุกีปุพพะนาโม วะ สัมพุทธะสาสะนัง อัคคัง วะเรนะ ปิตะรา เตนะ มะหาสังฆัสสะ รัฏฐัสมิง เอโส หิ พุทธะสัตเถ จะ นิรุตติสัตถะกุสะโล พะหู พันเธ นิพันธิตถะ เต ยาวัชชาปิ โสตูนัง วะระทายัชชะภูตา จะ โส พุทธะสาสะนัสเสวะ ระตะนักกะวิ เจตัสสะ สะหะปะชาชาติยานามะ วัฑฒะนัทธัมมะกัมมัคโค ตัง ทัยยะรัฏฐะสังฆานัง ทวิสะตานิ จะ วัสสานิ อัชเชวะ ปะริปุณณานิ ราชา จะ ภิกขุสังโฆ จะ ปะโมทันตา กะโรนเตตถะ ปัตติงสานุปปะทาตุญจะ อะนุโมทิยะ โส ภาคี		ปะระมานุชิโต วะโร วิหารี จักกิวังสิโก ปะฐะมักขัตติโย ระโส อุปัตถัมมิตุมิจฉะตา นิยยาทิโตธะ สาสะเน สัตตะโม ปะริณายะโก ฯ ราชะสัตเถ จะ โกวิโท กุสะโล กาวะยะพันธะเน อัคคัตถะระสะวัณณิเต ภิกขูนัญจุปะการะกา ชาติสาสะนะวุฑฒิยา ฯ ระตะนัปปุริโส วะโร รัฏฐัสสะ สาสะนัทธะโช สะมัชชา เยกะฉันทะสา โลเก อิติ สุวัณณิโต มะหากิตติคุณาวะหัง ฯ เอตัสสะ ชาตกาละโต ตัง รัฏฐัสสาภิมังคะลัง รัฏฐะปาลี จะ ทัยยิกา มะหามะหัง วะ เอกะโต กิตติญจัสสะ ปะกาสิตุง ปุญญัสสะ โหตุ สัพพะทาติ ฯ

ปัตติทานคาถา
			ยา เทวะตา สันติ วิหาระวาสินี ถูเป ฆะเร โพธิฆะเร ตะหิง ตะหิง ตา ธัมมะทาเนนะ ภะวันตุ ปูชิตา โสตถิง กะโรนเตธะ วิหาระมัณฑะเล เถรา จะ มัชฌา นะวะกา จะ ภิกขะโว สารามิกา ทานะปะตี อุปาสะกา คามา จะ เทสา นิคะมา จะ อิสสะรา สัปปาณะภูตา สุขิตา ภะวันตุ เต ชะลาพุชา เยปิ จะ อัณฑะสัมภะวา สังเสทะชาตา อะถะโวปะปาติกา นิยยานิกัง ธัมมะวะรัง ปะฏิจจะ เต สัพเพปิ ทุกขัสสะ กะโรนตุ สังขะยัง
		ฐาตุ จิรัง สะตัง ธัมโม สังโฆ โหตุ สะมัคโค วะ อัมเห รักขะตุ สัทธัมโม วุฑฒิง สัมปาปุเณยยามะ		ธัมมัทธะรา จะ ปุคคะลา อัตถายะ จะ หิตายะ จะ สัพเพปิ ธัมมะจาริโน ธัมเม อะริยัปปะเวทิเต ฯ

	จบบทสวดท้ายทำวัตรเย็น เพียงเท่านี้ เมื่อสวดบทท้ายทำวัตรเย็นจบแล้ว คณะสงฆ์วัดพระเชตุพน จะนั่งเจริญสมาธิภาวนาถวายเป็นพระราชกุศลต่อไป