ยาวะตา สัตตา อะปะทา วา ทวิปะทา วา จะตุปปะทา วา พะหุปปะทา วา,
รูปิโน วา อะรูปิโน วา สัญญิโน วา อะสัญญิโน วา เนวะสัญญีนาสัญญิโน วา,
ตะถาคะโต เตสัง อัคคะมักขายะติ อะระหัง สัมมาสัมพุทโธ, เย โข พุทเธ
ปะสันนา
อัคเค เต ปะสันนา, อัคเค โข ปะนะ ปะสันนานัง อัคโค วิปาโก ฯ
ยาวะตา ธัมมา สังขะตา วา อะสังขะตา วา, วิราโค เตสัง อัคคะมักขายะติ,
ยะทิทัง มะทะนิมมะทะโน ปิปาสะวินะโย อาละยะสะมุคฆาโต วัฏฏูปัจเฉโท,
ตัณหักขะโย วิราโค นิโรโธ นิพพานัง, เย โข วิราคะธัมเม ปะสันนา อัคเค เต
ปะสันนา, อัคเค โข ปะนะ ปะสันนานัง อัคโค วิปาโก ฯ
ยาวะตา ธัมมา สังขะตา อะริโย อัฏฐังคิโก มัคโค เตสัง อัคคะมักขายะติ,
เสยยะถีทัง สัมมาทิฏฐิ สัมมาสังกัปโป สัมมาวาจา สัมมากัมมันโต สัมมาอาชีโว
สัมมาวายาโม สัมมาสะติ สัมมาสะมาธิ, เย โข อะริยะมัคคะธัมเม ปะสันนา อัคเค
เต
ปะสันนา, อัคเค โข ปะนะ ปะสันนานัง อัคโค วิปาโก ฯ
ยาวะตา สังฆา วา คะณา วา, ตะถาคะตะสาวะกะสังโฆ เตสัง
อัคคะมักขายะติ,
ยะทิทัง จัตตาริ ปุริสะยุคานิ อัฏฐะปุริสะปุคคะลา เย โข สังเฆ
ปะสันนา อัคเค เต
ปะสันนา, อัคเค โข ปะนะ ปะสันนานัง อัคโค วิปาโก ฯ |
